Dáhtut go oažžut fárrui eambbo mánáid ja nuoraid astoáigedoaimmaide?
De leatboahtán rievttes báikái!
BUOHKATFÁRUS lea bargomodealla ja nuvttá riikkaviidosaš reaidu mii dahká dutnje álkibun searvadahttit buot mánáid ja nuoraid fárrui astoáigedoaimmaide, beroškeahttá bearraša ruđalaš dilis. Reaidu galgá adnot álggahit digaštallama ja gávdnat buriid čovdosiid movt dii oččošeiddet buohkaid fárrui. Vuolgge fárrui ja daga erohusa!
“BUOHKATFÁRUS lea hui buorre reaidu mii buktá dieđuid das movt lea bajásšaddat geafes bearrašiin. Dát lea dieđut maid lea dehálaš gaskkustit buot suohkaniidda! Mun háliidan olbmuid eanemus lági mielde geavahit dan vásáhusa mii BUOHKATFÁRUS:s lea, nu ahte eambbo mánát beasaše searvat astoáigedoaimmaide.” Mánáid- ja bearašministtar Kjersti Toppe.
BUOHKATFÁRUS lea ráhkaduvvon dainna ulbmiliin ahte loktet máhtu das movt lea searvevuođa olggobeallái geavvat geafivuođa dihte ja movt galgá searvadahttit sin geat min servodagas vásihit dán. Reaidu veahkeha du dihto vugiin dainna movt sáhtát áigeguovdilin ráhkadit mánáid ja nuoraid astoáiggi ja gávdnat čovdosiid mat doibmet din servodagas.
Reaidu veahkeha álkes vugiid álggahit ságastallama fáttá birra ja dan movt bargat fáttáin man birra olusiidda soaitá váttishupmat. Ulbmil BUOHKATFÁRUS-reaidduin lea sihkkarastit ahte buot mánát ja nuorat geat háliidit dan, ožžot duohta vejolašvuođa searvat astoáigedoaimmaide, beroškeahttá bearraša ruđalaš dilis ja sosiálalaš návccain.
BUOHKATFÁRUS-reaidduin gávnnat ovtta reaiddu mii lea heivehuvvon eaktodáhtolaš servviid atnui ja okta mii lea heivehuvvon suohkaniid atnui. 2022 čavčča rájes gávnnat maid sierra reaiddu maid nuorat leat ieža ráhkadan nuoraide, ja mii galgá adnot nanosmahttit báikkálaš mielváikkuhanproseassaid.
Geafivuohta dagaha ahte mánát gevvet olggobeallái sosiálalaš, kultuvrralaš ja faláštallanarenain, mii sáhttá váikkuhit ahte mánát dovdagohtet ahte eai gula searvevuhtii. Dađi bahábut leat eambbosat ahte eambbosat mis geat dál bajásšaddat bearrašiin gos lea unnán sisaboahtu. Danin lea dehálaš ahte mii álbmogassii bargat sihkkarastin dihte dan ahte buot mánát ja nuorat ožžot dohkálaš eavttuid bajásšattadettiin ja vejolašvuođa searvat seamma ládje goeará mánát.
“Lei hui áigeguovdil searvat BUOHKATFÁRUS:i, go doppe gos mun orun leat stuora ruđalaš erohusat. Buohkat fertejit oažžut seamma vejolašvuođaid! Nieida 17 jagi, Oslo.
BUOHKATFÁRUS-reaiddut sáhttet adnojuvvotváhnenčoahkkimiin dahje stivračoahkkimiin, seminárain maid dii lágidehpet, hárjehalli- ja jođiheaddjideaivvademiin, jna. Don sáhtát bargat BUOHKATFÁRUS:in máŋgga ládje. Makkár veahkkálasbarggu don válljet lea dan duohken geat ja man máŋggas servet.
Don sáhtát lohkat eambbo dan birra movt dát doaibmá reaidduid vuolde. Veahkkálasbargguid lea álki ipmirdit ja daid sáhttet buohkat čađahit, vaikko eai ovdalaččas máhte maidege dán fáttá birra. Ferte leat okta gii jođiha veahkkálasbarggu ja dat olmmoš galgá dušše čađahit doaibmaplána mii gávdno reaidduid vuolde. Doaibmaplána muitala ceahkis ceahkkái movt veahkkálasbargu galgá čađahuvvot.